帶小孩家庭留意:
在trip.com訂2大人2小童並付款雙人床房俾Hotel Aima, 到酒店check in時酒店話房間只容許2成人,所以企硬我的2位小朋友需要付附加費3000yen。我話訂房並付款時已指明2大2細,價格應包含小童premium,但酒店堅持要附加費。平時訂咁多酒店都知道指明有小朋友時,價格已反映(調升),但唯獨呢一間硬要額外收。我立即致電trip.com 客服,佢地check左小童政策都話我訂房時已指明2大2小,亦解釋小童政策係不加床而同大人佔同一床就沒有附加費,trip.com再揾agent同酒店相討,但呢間酒店企硬必須要俾附加費,ok fine就施捨俾酒店。但令我成個日本旅程最後一晚劃上不愉快。在日本訂其他酒店我都一早輸入2大2小,並根據訂房畫面的價格付款,從來沒有酒店(任何星級)硬要收我小童費,仲要我兩位幼兒都收費。呢個酒店職員用 Google translate話,只要大過0歲就要收附加費,即係手抱嬰兒都需要。各位帶小孩旅行的家長要三思。
位置:
位置理想,近上野站,行去橫商店街要7-8分鐘。酒店在內街,四圍都係2-3星的細型酒店。
設施:
呢間係公寓多過酒店,沒有保安,任何人隨時可以上樓,電梯沒有拍卡才可以到各樓層的保安設備,自己最好記得鎖房門。酒店“大堂”只有2-30呎,一張梳化或櫈都沒有俾人坐,反而旁邊的超grandmother的舊酒店,大堂都叫做有梳化同櫈俾人坐。房間有洗衣機微波爐電池爐煮食用具及餐具,要煮食的話要買食油調味料,但我只留一晚所以沒有用呢d設施。枕頭好硬好實,唔知用咩做。
清潔:
其實房間內部好新淨,木地板,就係可能有別於一般的地毯酒店,所以一入房你好容易見到四週的頭髮,地板,廁所,走廊都係前人留下的頭髮、毛髮。另外,房間有提供即棄拖鞋,就係我拖鞋常常被踢入床下底,我才發現床下底有前人留下的舊拖鞋,証明沒有用心清潔。另外,垃圾桶奇細,個桶口闊度只有一部iPhone 電話咁闊,要放垃圾好不容易。
整體而言,不推薦帶小童的家庭,就算有一位嬰兒都要附加費,或者2大1小你可以訂三床房。只有2大人又需要洗衣煮食又不怕沒有保安同衞生的話,可以考慮。
自動翻訳