酒店位置,位於14街行入少少,相當方便,而且佢建築物高度相對其他較高,所以非常方便辨認。
我喺依間酒店住咗四晚,大致上都好滿意,當然有少少地方係爭啲,但唔係重要嘅事項。
首先,天台嘅rooftop可以望到湖景,不論早上晚上欣賞景色覺得好舒服。
酒店有兩部升降機,唔會輪候太耐。
熱水足夠,水力足夠,冷氣足夠,大致上都水準上。
需要改進嘅地方。
早餐嘅選擇不多,飲品種類亦都唔多。
每一間房間都有少少破損,酒店可以考慮進行保養。
第一間房 風筒壞的
第二間房 浴室抽氣扇壞的
第三間房 冷氣機無法SWING
同埋佢啲房門可能成日閂唔實,周不時都聽到附近房間嘅門不停響。
雖然有少少缺陷,但大部份嘅優點都可以替補,有機會嘅話我都會再住。
自動翻訳