【高松】栗林公園

高松最出名嘅景點莫過於有四百年歷史嘅栗林公園。 栗林公園係國家特別名勝的文化財産庭院之中面積最大嘅一個。亦係米其林綠色指南中被評為三星嘅景點。 全園分南北兩條路線，一共有六個湖泊同十三座假山，如果時間唔夠，建議可只去南庭院路線。你仲可以係園內坐船同食茶點，如果可以的話，可致電預約食早粥，望住庭園有山有水環境又寧靜，食早餐就一流。 全個園內我覺得最靚嘅位係由「飛來峰」望返落去「偃月橋」嗰個億，即係相中第一張嗰個位，如果天氣好的話，相信會更靚。 去栗林公園位於市區中心，所以交通都好方便，坐巴士去最好，停正係門口，如果坐JR或琴電電車就要行500-1000米啦。